Markvís er markaðsmiðuð vefsíðugerð

markvis team

Upphafið

Upphaf Markvís má rekja til ársins 1988 þegar það var stofnað sem einyrkjafyrirtæki á Akureyri. Starfsemi og markmið Markvís fólust í upphafi í markaðsráðgjöf fyrir lítil og meðalstór fyrirtæki og hafa þau ekki breyst. Gerð var úttekt á markaðsmálum fyrirtækja og gerðar voru markaðsáætlanir sem byggðar voru á beinni markaðssókn eða "Direct Marketing". Markaðssvæði fyrirtækisins var í fyrstu á Norðurlandi þar sem engin slík þjónusta var til staðar. Starfsemin breyttist með tímanum og fór fyrirtækið meira út í markaðsrannsóknir og bauð fyrirtækjum og stofnunum á Norðurlandi upp á markaðskannanir sem tengdar voru mánaðarlegum spurningavagni Markvís.

Árið 1993 gaf Markvís út Lítið kver um markaðsáætlanir. Á þessum tíma var að hefjast nýr kafli í markaðsmálum sem ekki sér fyrir endann á. Þetta var veraldarvefurinn eða netið eins og við köllum það í dag. Markvís ásamt mörgum öðrum lagði drög að fyrstu vefverslun á Íslandi með tilkomu Hagkaup netverslunar.

Á þessum árum var starfsemi Markvís grundvölluð á aðeins einum starfskrafti og fluttist hún, ásamt starfsmanninum, til Bandaríkjanna árið 1996 þar sem enn var lögð stund á markaðsmál, með öðru sniði þó. Bein markaðssókn var enn drifkraftur starfseminnar. Internetið var nýr vettvangur og tungumál þess var kallað HTML.

Markaðssetning á netinu 2002. Upp úr aldamótunum fór Markvís að tileinka sér netið í meira mæli við markaðsráðgjöf og smíðaði meðal annars vefsíður með HTML forritunarmálinu ásamt því að skipuleggja og framkvæma markaðssókn með tölvupósti samkvæmt ströngustu reglum beinnar markaðssóknar (Direct Marketing). Bein markaðssókn á ekkert skylt við ruslpóst eða óumbeðinn póst enda eru markmið beinnar markaðssóknar að ná aðeins til þeirra sem áhuga hafa á málefninu sem verið er að kynna.

Markvís 2015. Í dag er Markvís markaðsmiðuð vefsíðugerð og ráðgjafarþjónusta þar sem vefsmíðin er notuð sem tæki til að koma fyrirtækjum, stofnunum, félagasamtökum og einstaklingum á framfæri á netinu með aðferðum beinnar markaðssóknar og almannatengsla. Markvís smíðar vefsíður og notar aðallega til þess vefumsjónarkerfið Joomla. Einnig smíðum við vefsíður í Word Press og HTML5+CSS. Ásamt vefsíðugerðinni hjálpum við viðskiptavinum að skipuleggja markaðsmálin á breiðum grunni sem í dag eru að miklu leiti tengd Internetinu.

Hliðarverkefni. Um nokkurt skeið höfum við verið að fikta við að þróa vefkerfið Markvís upp á eigin spýtur sem byggir á yfir 30 verkefnum ásamt leiðbeinandi og fræðandi texta í 10 köflum sem miða að því að hjálpa stjórnendum og frumkvöðlum að gera heildstæða markaðsáætlun fyrir fyrirtækið eða viðskiptahugmyndina.

Ýmsar greinar sem tengjast þessu verkefni má finna hér.